(प्रशांत गेडाम) सिंदेवाही : सिंदेवाही महसूल विभागाच्या भरारी पथकाने अवैध रेती वाहतूक करणारा ट्रॅक्टर पकडत मोठी कारवाई केली. शुक्रवार, दि. २८ नोव्हेंबर रोजी रात्री दरम्यान ही कारवाई करण्यात आली असून या कारवाईमुळे रेती तस्करांमध्ये एकच खळबळ उडाली आहे.
Tractor used for illegal sand smuggling seized in Sindewahi area
प्राप्त माहितीनुसार, सिंदेवाही तालुक्यातील पळसगाव जाट परिसरात शुक्रवारी सायंकाळी सुमारे ७.३० वाजता १ ब्रास रेतीची चोरटी वाहतूक करणारा क्रमांकविरहीत ट्रॅक्टर आढळून आला. महसूल विभागाच्या भरारी पथकाने गस्ती दरम्यान संशयित ट्रॅक्टरला थांबवून तपासणी केली असता ट्रॉलीमध्ये १ ब्रास रेती आढळली.
ट्रॅक्टर चालकाकडे रेती वाहतुकीचा वैध परवाना मागितला असता कोणताही परवाना नसल्याचे स्पष्ट झाले. परिणामी अवैध वाहतूक केल्याप्रकरणी सदर ट्रॅक्टर जप्त करून तहसील कार्यालयाच्या आवारात जमा करण्यात आला.
ही कारवाई नायब तहसीलदार मंगेश तुमराम व सहाय्यक महसूल अधिकारी दिनेश पुजारी यांच्या मार्गदर्शनाखाली करण्यात आली. महसूल विभागाच्या तत्पर कारवाईमुळे परिसरातील अवैध रेती तस्करीवर आळा बसण्यास मदत होणार असल्याची प्रतिक्रिया नागरिकांतून व्यक्त होत आहे.
0 comments:
Post a Comment