चंद्रपुर/ यवतमाळ :- लोहार समाज निर्मितीक्षम असून देशाच्या प्रगतीमध्ये विशेषतः ग्रामीण क्षेत्राच्या उन्नतीत या समाजाचे मोठे योगदान आहे, बदलत्या काळाला अनुसरुन या समाजाने शैक्षणिक क्षेत्रामध्ये प्रगतीच्या दिशेने वाटचाल सुरु केली असली तरी हा समाज पारंपारिक व्यवसायापासून दुर जावू शकला नाही. त्यामुळे समाजातील विद्याविभुषित समाज बांधवांनी सामाजिक आर्थिक, शैक्षणिक, राजकीय उत्थानाकरिता सामाजिक संघटन प्रबळ करण्याकरिता पुढे यावे. उद्योग व्यवसायात उतरुन प्रगतीचे मार्ग शोधावे असे सांगत समाजाची अनुसूचित जमातीची मागणी असल्याने राज्य शासनाव्दारे शिफारस आल्यास विचार केला जाईल असे प्रतिपादन राष्ट्रीय मागासवर्गीय आयोगाचे अध्यक्ष तथा पूर्व केंद्रीय गृह राज्यमंत्री हंसराज अहीर यांनी केले.
Making educational progress, the blacksmith community should turn to industry - Hansraj Ahir
लोहार समाज पोटजाती विकास संस्था, जिल्हा चंद्रपूर च्या वतीने दि. 12 फेब्रुवारी, 2023 रोजी आयोजित विश्वकर्मा जयंती उत्सव तथा विदर्भस्तरीय भव्य वधु-वर परिचय मेळाव्याप्रसंगी ते बोलत होते. अहीर म्हणाले की, समाज संघटना हे समाजाचे शक्तीस्थान असते. एकसंध समाज प्रगतीकडे वाटचाल करीत असल्याने आज लोहार समाज हळूहळू राष्ट्रीय प्रवाहाच्या दिशेने वाटचाल करु लागला आहे. राज्यस्तरीय वधु-वर परिचय मेळावा हे या प्रगतीचे द्योतक असल्याचे त्यांनी यावेळी सांगितले.
या कार्यक्रमास आमदार किशोर जोरगेवार, सुरेश मांडवगडे, डॉ. कामतकर, माजी उपमहापौर अनिल फुलझेले, विजयराव पोहणकर, धनराज धुर्वे, राजु घरोटे, बंडु धोतरे व समाजातील प्रतिष्ठित नागरिक उपस्थित होते. यावेळी मान्यवर अतिथीनी समयोचित मार्गदर्शन केले.
0 comments:
Post a Comment