गडचांदूर:-कोरपना तालुक्यातील "कुसल शरीफ़" येथे "हजरत दुल्हेशाह बाबा रहे.अलैह" यांचा 3 दिवसीय उर्स उत्सव 5 मार्च रोजी मोठ्या हर्षोल्हासात संपन्न झाला. दरवर्षीप्रमाणे यंदाही या उर्समध्ये एकतेचे अदभुत दर्शन घडले.सर्वधर्म समभावचे प्रतीक असलेल्या बाबांच्या दर्शनासाठी हजारो सर्वधर्मीय भक्त भाविकांनी गर्दी केली होती.निसर्गरम्य अशा वातावरणात पुरातन काळापासून येथे बाबांची मज़ार(समाधी)असून दरवर्षी याठिकाणी पारंपारीक पद्धतीने उर्स उत्सव व धार्मिक कार्यक्रम पार पाडले जातात.3 day Urs celebration of Hazrat Dulheshah Baba concluded.
एकतेचे प्रतिक मानल्या जाणाऱ्या या तिर्थस्थळावर चंद्रपूर,जिल्ह्यासह नागपूर,वर्धा,यवतमाळ,नांदेड व तेलंगणा राज्यातून हजारोच्या संख्येने श्रद्धाळू मोठ्या श्रद्धेने याठिकाणी येवून दर्शन घेतात.याच पार्श्वभूमीवर इतर ठिकाणांसह 5 मार्च रोजी सायंकाळी गडचांदूर येथील नुरानी कमिटीच्या वतीने संदल मिरवणूक काढण्यात आली.ढोल ताशांच्या गजर व अश्वांच्या मनमोहक नृत्याने शहरातील मुख्य मार्गाने भ्रमन करीत संदल कूसळकडे रवाना झाला.त्याठिकाणी बाबांच्या दर्ग्यावर रितीरिवाजाने पुजाअर्चना करून पुष्प चादर चढवण्यात आली.गडचांदूर वरून नेण्यात आलेली पुष्प चादर व रंगबेरंगी आकर्षक रोषणाईने सजवलेला अश्व रथ प्रेक्षकांना मंत्रमुग्ध करणारा ठरला.मोठ्यासंख्येने सर्व धर्मीय शहरावासीयांनी संदल मिरवणूकीचा मनसोक्त आनंद घेतला.दरम्यान पुर्वी शिवसेना व हल्ली ठाकरे गटाचे चंद्रपूर जिल्हाध्यक्ष संदीप गिऱ्हे व भाजपा जिल्हाध्यक्ष देवराव भोंगळे यांनी सहकाऱ्यांसह गडचांदूर येथे संदल मिरवणूकीला भेट देऊन सामाजिक एकतेचे दर्शन दिले.संदल मिरवणूक दरम्यान कोणताही अनुचित प्रकार घडू नये यासाठी जिल्हा पोलीस अधीक्षक,अप्पर पोलीस अधीक्षक व गडचांदूर उपविभागीय पोलीस अधिकारी सुशीलकुमार नायक यांच्या मार्गदर्शनाखाली गडचांदूर पोलीस स्टेशनचे ठाणेदार रविंद्र शिंदे यांनी पोलीस बंदोबस्त चोख ठेवला होता. ---------//-------
About
The Chandrapur Times
यह पोर्टल संपादक, मालिक, प्रकाशक राजेश सनमाहेन सोलापनद्वारा कार्यालय साप्ताहिक दि चंद्रपुर टाइम्स, आक्केवार वाडी, वॉर्ड नं. १, चंद्रपुर, से प्रकाशित किया गया है । प्रकाशित किसी भी लेखन सामग्री पर संपादक सहमत ही हो यह आवश्यक नही । प्रकाशित कि सी भी लेखनपर आपत्ती हाने पर उनका निस्तारण सूचना प्रौद्योगिकी (प्लेटफ़ॉर्म दिशानिर्देश और डिजिटल मीडिया आचार संहिता) विनियम 2021 के तहत किया जायेगा ।
0 comments:
Post a Comment