चंद्रपुर :-चंद्रपूर जिल्ह्यातील नागभीड पोलिस ठाण्यात १७ वर्षीय मुलगी हरवल्याची तक्रार दाखल झाली होती. तपासादरम्यान ही अल्पवयीन मुलगी आपल्या गावातीलच अतुल उद्धव गायकवाड (२९) याच्यासोबत पळून गेल्याचे निष्पन्न झाले.
Police foil suicide attempt of couple who ran away from home
युगुलाने कुटुंबियांना मोबाईलवरून विषाची बाटली दाखवत आत्महत्या करण्याचा संदेश देखील पाठवला होता. त्यामुळे प्रकरणाची गंभीरता लक्षात घेऊन पोलिसांनी तांत्रिक तपासाच्या आधारे या दोघांचा शेवटचा ठावठिकाणा फलटण तालुक्यातील वेडोशी सावंतवाडा परिसरात असल्याचे शोधून काढले.
चंद्रपूर पोलिसांनी तत्काळ फलटण ग्रामीण पोलिसांना कळविले. स्थानिक पोलिस पाटील, ग्राम सुरक्षा दल आणि गावकऱ्यांच्या मदतीने अवघ्या ३० मिनिटांत दोघांचा शोध लावण्यात यश आले. फलटण पोलिसांनी या दोघांना ताब्यात घेत विषाची बाटली जप्त केली. त्यानंतर पुढील कारवाईसाठी त्यांना चंद्रपूर पोलिसांच्या ताब्यात देण्यात आले आहे.
0 comments:
Post a Comment