राजुरा 21 ऑगस्ट:-स्थानिक आदर्श मराठी प्राथमिक विद्यामंदिर तथा आदर्श हायस्कुल राजुरा येथे राष्ट्रीय हरित सेना विभाग, स्काऊट -गाईड युनिट, नैसर्गिक पर्यावरण संवर्धन व मानवता विकास संस्था अंतर्गत राष्ट्रीय वन्यजीव संवर्धन समिती शाखा राजुरा, जीवनदिप सर्पमित्र व पर्यावरण बहुद्देशीय संस्था, राजुरा यांच्या संयुक्त विद्यमानाने नागपंचमी निमित्य सापांबाबत अंधश्रद्धा निर्मूलन जनजागृती कार्यक्रमाचे आयोजन करण्यात आले.Adequate measures must be taken to avoid snake-human conflict.
- Ratnakar Pachare
यावेळी उपस्थित मार्गदर्शक रत्नाकर पाचरे यांनी साप -मानव संघर्ष टाळण्याकरिता योग्य उपाययोजना करणे आवश्यक असल्याचे मत व्यक्त केले. याकरिता सापांची माहिती प्रत्येक व्यक्तिपर्यंत पोहचविली पाहिजेत. विजय पचारे यांनी विषारी, निम विषारी व बिन विषारी सापांची माहिती चार्ट च्या माध्यमातून सांगितली. संदीप आदे यांनी साप चावल्यावर प्रथमोपचार कसा करावा याविषयी माहिती दिली. मनोज कोल्हापुरे यांनी उपस्थित विध्यार्थीनी विचारलेल्या विविध प्रश्नाची चर्चेच्या माध्यमातून उत्तरे दिली. तसेच सापांबाबत असलेल्या अंधश्रद्धा यावर विस्तृतपणे माहिती सांगितली. या कार्यक्रमाच्या माध्यमातून सापांबद्दल असलेल्या अंधश्रद्धा निर्मूलनबाबत जनजागृती करण्यात आली. नैसर्गिक पर्यावरण संवर्धन व मानवता विकास संस्थेअंतर्गत राष्ट्रीय वन्यजीव संवर्धन समितीने साप- मानव संघर्ष टाळण्याकरिता विषारी, निम विषारी व बिन विषारी सापांची माहिती, प्रथमोपचार, सर्पमित्रांचे संपर्क असे ब्यानर तयार करून नागरिकामधे जनजागृती केली आहे.
0 comments:
Post a Comment