राजुरा :-संतुलित पर्यावरणासाठी वृक्ष संरक्षण आणि संवर्धनाचा संदेश देण्याच्या हेतूने जागतिक वृक्ष दिन, भारतीय वृक्ष दिवस ,जागतिक वन्यजीव सप्ताह,जागतिक पर्यावरण दिन, जागतिक तापमान वाढ,वन सप्ताह, जागतिक निसर्ग संवर्धन दिन असे अनेक दिन मोठ्या थाटामाटात आपण जागतिक पातळीवर साजरे करून पर्यावरण संवर्धनाचा संदेश देतो.
------------------------------------------
बादल नीलकंठ बेले
महाराष्ट्र राज्य अध्यक्ष
नैसर्गिक पर्यावरण संवर्धन व मानवता विकास संस्था
मानवाने प्रदूषणाला आळा घालणे अतिशय आवश्यक अशी बाब आहे परंतु निसर्गतः अप्रत्यक्षपणे वृक्षच अतिशय प्रभावीपणे ते कार्य करू शकतात. संतुलित पर्यावरणासाठी जमीन झाडांच्या छायेत असणे गरजेचे आहे. परंतु मानवी सोयीसुविधेच्या नावाखाली कशाचेही भान न बाळगता वृक्षांची मोठ्याप्रमाणात कत्तल करून महामार्गाच्या कामाला गती देणाऱ्या मानवाने पर्यावरण संवर्धन ही काळाची गरज आहे हे जाणून घेतले पाहिजेत तसेच आपला प्रवास सुखाचा करणारे मोठमोठे मार्ग निर्मिती होत असताना हजारो वृक्षतोड करून आयुष्याचा प्रवास मात्र दुःखद होईल याचा विसर मानवाला पडत आहे.शेकडो वर्षे जुने वृक्ष ही आपली शान आहेत शिवाय निसर्गातील ही हिरवी चादर पर्यावरणाला पूरक आहे. परंतु मानवी प्रगतीच्या नावाखाली पर्यावरणाची होत असलेली हानी भरून काढणे तितकेच महत्वाचे आहे असे मत बादल बेले, महाराष्ट्र राज्य अध्यक्ष, नैसर्गिक पर्यावरण संवर्धन व मानवता विकास संस्था यांनी व्यक्त केले आहे.
0 comments:
Post a Comment