चिमूर :-नेरी येथील सिरपूर रोडवरील मिर्ची सत्रा येथे एका तरुणाने अल्पवयीन मुलीवर अत्याचार केल्याची घटना उघडकीस आली.
Abuse of a minor girl
नेरी येथील नागरिकांनी घटनेची माहिती देताच चिमूर पोलिसांनी घटनास्थळी पोहोचून आरोपीला तात्काळ ताब्यात घेतले. आरोपीविरुद्ध पोक्सो गुन्हा दाखल करून त्याला अटक करण्यात आली.नेरी सिरपूर रोडवरील नागपूर कंपनीच्या मिरची तोडणीचा मिर्ची सत्रा गेल्या चार महिन्यांपासून सुरू आहे. येथे अनेक पुरुष आणि महिला मजुरीसाठी काम करतात. उत्तर प्रदेशातील बुलंदशहर येथील रहिवासी नदीम सुलतानी हा दिवाणजी म्हणून काम करायचा. त्याने एका अल्पवयीन मुलीला पाहिले आणि तिला अनेक प्रकारे आमिष दाखवून प्रेमाच्या जाळ्यात अडकवले आणि ४ जूनच्या रात्री १ ते २ वाजेच्या दरम्यान त्याने तिला फोन करून तिच्याशी लैंगिक संबंध ठेवले. नेरी येथील नागरिकांना या घटनेची माहिती कळताच त्यांनी पोलिसांना माहिती दिली. पीआय बकल यांच्या मार्गदर्शनाखाली पीएसआय मल्हारी तालीकोटे आणि त्यांचे सहकारी घटनास्थळी पोहोचले आणि त्यांनी तात्काळ आरोपी नदीम सुलतानी वय २९ याला बीएनएसच्या कलम ६४, ६५ आणि पोक्सो कायद्याच्या कलम ४ आणि ६ अंतर्गत अटक केली. पुढील तपास पीएसआय शुभांगी पाटील करीत आहेत.
0 comments:
Post a Comment