जावेद शेख भद्रावती प्रतिनिधी:-
भारतातील बिहार राज्यामध्ये असलेले बुद्धगया येथील महाबोधी महाविहार हे बौद्धांचे जागतिक स्तरावरील, प्राचीन लुम्बिनी , नेपाळ येथील सिद्धार्थ गौतम बुद्ध यांचे जन्म स्थळांनंतर दुसरे पवित्र स्थान आहे. जागतिक स्तरावरील बौद्धांच्या भावना व आस्था या स्थळाला जुळलेल्या आहेत.
Liberate the Mahabodhi Mahavihara..
भारतीय स्वातंत्र्यानंतर तत्कालीन सरकारने या महाबोधी विहारा संबंधाने १९४९ मध्ये बोधगया टेम्पल ऍक्ट १९४९ निर्माण करून या महाविहाराचे व्यवस्थापना संबंधी असलेल्या बोधगया टेम्पल मॅनेजमेंट कमिटी (बी.टी.एम.सी) अंतर्गत त्या व्यवस्थापन समितीत चार बौद्ध प्रतिनिधी, चार हिंदू प्रतिनिधी व गया जिल्ह्याचे जिल्हाधिकारी असतील अशी व्यवस्था केली आहे.या व्यवस्थेनुसार या व्यवस्थापन समितीत जिल्हाधिकारी गया यांचे सह हिंदू प्रतिनिधींची संख्या नेहमी पाच राहत असल्याने, या महाबोधी महाविहाराच्या व्यवस्थापन संबंधी बौद्धांच्या भावनांची कायम अनास्था झालेली आहे. त्यामुळे समस्त बौद्धांच्या भावना तीव्र झालेल्या असून, हे महाविहार पूर्णतः बौद्ध प्रतिनिधींच्या व्यवस्थापन समितीकडे सोपविण्यात यावे ही मागणी कायम राहिलेली आहे..
तसेच 2010 पासून बौद्ध गया येथील महाबोधी महाविहारात जाणीवपूर्वक इतर देवतांची प्रतिकृती स्थापित करून मूळ बुद्ध मूर्तींचे विद्रुपीकरण करण्यात येत आहे.
म्हणून बी टी. एम सी ऍक्ट १९४९ रद्द करून महाबोधी महाविहार बौद्धांच्या स्वाधीन करण्यात यावे या अधिकृत मागणी सह आज दिनांक १०/०३/२०२५ ला बौद्ध समाज संघटन, भद्रावती द्वारे महामहीम राष्ट्रपती भारत सरकार यांना मा.तहसीलदार भद्रावती यांचे मार्फत निवेदन देण्यात आले..
सदर निवेदन देण्यासाठी भद्रावती शहरातील शेकडो बौद्ध अनुयायी उपस्थित होते.
0 comments:
Post a Comment