सादिक थैम वरोरा: राज्य शासनाने वरिष्ठ अधिकाऱ्यांना फिल्डवर जाऊन विकास कामांच्या प्रगतीचा आढावा तसेच नागरिकांच्या अडीअडचणी जाणून घेण्याचे निर्देश दिले आहेत. या अनुषंगाने जिल्हाधिकारी विनय गौडा यांनी ३ जून रोज बुधवारला वरोरा तालुक्यातील विविध विकास कामांना भेट देऊन सदर कामांची पाहणी केली.
पाहणी दरम्यान जिल्हाधिकारी गौडा यांनी विकास कामांच्या प्रगतीचे टप्पे व अडचणीबाबत अधिकारी व नागरिकांशी संवाद साधून मार्गदर्शन केले. तसेच सार्वजनिक बांधकाम विभागाद्वारे बांधण्यात येत असलेले महिला बचत गटाच्या वस्तू विक्री शॉपिंग मॉलला भेट दिली.
तालुक्यातील सालोरी,येन्सा येथील प्रगतशील शेतकरी यांच्या रेशीम उत्पादन व मलबेरी प्लांटेशन केंद्र, कॅम्पा निधीतून वन विभागद्वारे टेमुर्डा येथे राबविण्यात येणारे चारा गवत विकास प्रकल्प, वरोरा नगर परिषद व अंबुजा फाउंडेशन यांच्याद्वारे करण्यात येत असलेल्या शहरातील गांधी सागर तलाव खोलीकरण कामाची पाहणी पाहणी केली. यावेळी जिल्हाधिका-यांसोबत उपविभागीय अधिकारी अतुल जटाळे, तहसीलदार योगेश कौटकर, मुख्याधिकारी विशाखा शेळकी, कनिष्ठ अभियंता खणके, वन परिक्षेत्र अधिकारी सतिश शेंडे, मंडळ कृषी अधिकारी काळे व इतर अधिकारी उपस्थित होते.
0 comments:
Post a Comment