जावेद शेख भद्रावती प्रतिनिधी :-
भद्रावती शहराच्या शिरपेचात मानाचा तुरा रोवला गेला असून, येथील नागरी प्राथमिक आरोग्य केंद्र, भद्रावती ला केंद्र शासनाचे अत्यंत प्रतिष्ठेचे राष्ट्रीय गुणवत्ता आश्वासन प्रमाणपत्र (National Quality Assurance Standards - NQAS मानांकन) प्राप्त झाले आहे. या भव्य आणि ऐतिहासिक यशाबद्दल संपूर्ण केंद्र आणि भद्रावती तालुक्याचे कौतुक होत आहे.
Urban Primary Health Center, Bhadravati receives National Quality Assurance Certificate (NQAS Rating); Historic achievement in the health sector!
अथक परिश्रम आणि उत्कृष्ट सेवांचा गौरव:
नागरी प्राथमिक आरोग्य केंद्राने आरोग्य सेवा, रुग्णांची काळजी, स्वच्छता आणि व्यवस्थापन या सर्वच स्तरांवर सर्वोत्तम कामगिरी करून हे मानांकन पटकावले आहे. हे यश सहजासहजी मिळालेले नसून, यामागे केंद्रातील प्रत्येक घटकाचे अविरत परिश्रम आहेत.
या यशाचे शिल्पकार:
डॉ. संजय आसुटकर (तालुका आरोग्य अधिकारी, भद्रावती) ,डॉ. आशिष देवतळे, डॉ . शाहीन सय्यद, डॉ .रितेश देवतळे ,डॉ दीप्ती मोहितकर यांच्या कुशल मार्गदर्शनाखाली संपूर्ण चमुने हे ध्येय साध्य केले.
केंद्रातील सर्व आरोग्य कर्मचारी, परिचारिका, प्रशासकीय स्टाफ तसेच तळागाळातील लोकांपर्यंत आरोग्य सेवा पोहोचवणाऱ्या सर्व आशा वर्कर (ASHA Workers) यांनी या प्रक्रियेत अत्यंत मोलाची व महत्त्वाची भूमिका बजावली आहे. त्यांच्या या राष्ट्रीय स्तरावरील योगदानाबद्दल त्यांचे विशेष आणि हार्दिक अभिनंदन करण्यात येत आहे.
लोकप्रतिनिधी व प्रशासनाची खंबीर साथ:
हे यश मिळवण्यासाठी स्थानिक प्रशासनाचेही मोठे सहकार्य लाभले. भद्रावतीचे नगराध्यक्ष श्री. प्रफुल चक्की साहेब तसेच मुख्याधिकारी डॉ. विशाखा शेळके यांनी नागरी प्राथमिक आरोग्य केंद्राला वेळोवेळी आवश्यक ती सर्व मदत उपलब्ध करून दिली. त्यांच्या खंबीर पाठिंब्यामुळे आणि मार्गदर्शनामुळेच आरोग्य केंद्राला हे मानांकन मिळवणे शक्य झाले. या यशामध्ये त्यांनी बजावलेली भूमिका अत्यंत मोलाची आहे.
भद्रावती आरोग्य केंद्राने मिळवलेले हे 'एनक्यूएएस' (NQAS) मानांकन म्हणजे दर्जेदार आणि गुणवत्तापूर्ण आरोग्य सेवेची पावतीच आहे. या अभूतपूर्व यशाबद्दल नागरी प्राथमिक आरोग्य केंद्र, भद्रावतीच्या संपूर्ण टीमचे, सर्व अधिकारी, कर्मचारी व आशा भगिनींचे हार्दिक अभिनंदन आणि पुढील वाटचालीस शुभेच्छा!
0 comments:
Post a Comment