चंद्रपूर : अवैध दारूची विक्री व साठवणुकीविरोधात स्थानिक गुन्हे शाखेने कारवाई करत शेगाव पोलिस ठाण्याच्या हद्दीतील वाठोडा येथे एका घरावर छापा टाकला. १७ ऑक्टोबर २०२६ रोजी केलेल्या या कारवाईत ९० मिली क्षमतेच्या रॉकेट संत्रा देशी दारूच्या २,५०० सीलबंद बाटल्या जप्त करण्यात आल्या. जप्त मुद्देमालाची किंमत अंदाजे एक लाख रुपये आहे.LCB takes action against illegal liquor stockpiles in Wathoda; Goods worth Rs 1 lakh seized
या प्रकरणी निखिल शेखर जोंगोनी (वय २३, रा. खांबाडा, ता. वरोरा) आणि प्रवीण मारोतराव सुरसे (वय ३२, रा. बारवा, ता. वरोरा) यांच्याविरुद्ध गुन्हा दाखल करण्यात आला आहे. प्रशांत ऊर्फ परशु आत्राम (रा. वाठोडा, ता. वरोरा) हा फरार असून त्याचा शोध सुरू आहे.
घरझडतीत २५ खोक्यांचा दारूसाठा उघड
स्थानिक गुन्हे शाखेच्या वरोरा-चिमूर उपविभागीय पथकाने गस्तीवर असताना ही कारवाई केली. वाठोडा येथील एका घराची झडती घेतली असता २५ खोक्यांमध्ये रॉकेट संत्रा देशी दारूच्या २,५०० सीलबंद बाटल्या आढळल्या. पोलिसांनी हा संपूर्ण मुद्देमाल जप्त केला.
दारूबंदी कायद्यान्वये गुन्हा; फरार आरोपीचा शोध सुरू
या प्रकरणी शेगाव पोलिस ठाण्यात अपराध क्रमांक ३१५/२०२६ नोंदविण्यात आला असून महाराष्ट्र दारूबंदी कायद्यातील कलम ६५(ई) आणि ८३ अन्वये गुन्हा दाखल करण्यात आला आहे. या साठ्यामागे आणखी कोणाचा सहभाग आहे का, तसेच फरार आरोपीचा शोध घेण्यासाठी तपास सुरू आहे.
कारवाई पथक : स्थानिक गुन्हे शाखा, चंद्रपूर येथील वरोरा-चिमूर उपविभागीय पथक.
0 comments:
Post a Comment