 |
| Passengers robbed by private transporters taking advantage of ST workers' strike |
एसटी कर्मचाऱ्यांचा संप बघता चंद्रपूर जिल्हा माहिती कार्यालयाच्या अधिकृत वेबसाइटवर दिलेल्या माहितीनुसार जिल्ह्यातील प्रवाशांच्या सोयीकरीता उपप्रादेशिक परिवहन विभागातील निरीक्षकांची समन्वय अधिकारी म्हणून नियुक्ती केलेली आहे. त्यात यरोरा भद्रावती तालुक्यासाठी उपप्रादेशिक परिवहन विभागाचे निरीक्षक साळुंके हे समन्वय अधिकारी म्हणून काम बघत असल्याने वाहतूक प्रवाशी खाजगी गाड्यांच्या मालकांनी प्रवाशांची लूट चालवली आहे त्यामुळे त्यांच्यावर कारवाई करा अशी मागणी त्यांच्याकडे केली होती व खाजगी वाहतूकदार ज्या पद्धतीचे आगाऊ पैसे प्रवाशांकडून घेतात त्यावर अंकुश लावावा अशी विनंती केली होती परंतु साळुंके यांच्याकडून कुठलीही कारवाई संबंधित खाजगी वाहतूकदारांवर झालेली नाही. याचा अर्थ उपप्रादेशिक परिवहन अधिकारी व त्यांच्या अधिनस्त असणाऱ्या अधिकाऱ्यांशी खाजगी वाहतूकदार यांची साठगांठ असल्याचे शीद्ध होते, त्यामुळे या प्रकरणी तात्काळ निर्णय घेऊन व एसटी कर्मचाऱ्यांचा संप मिटवून खाजगी ट्रॅव्हल्स व काळी पिवळी गाड्यांच्या मालकांवर व संबंधित उपप्रादेशिक परिवहन अधिकाऱ्यांवर कारवाई करावी अन्यथा महाराष्ट्र नवनिर्माण सेना खळखट्याक आंदोलन करेल व आंदोलनादरम्यान काही अनुचित प्रकार घडला यार त्याची जबाबदारी ही उपप्रादेशिक परिवहन विभागाच्या अधिकाऱ्यांची राहील असा इशारा महाराष्ट्र नवनिर्माण सेनेकडून मुख्यमंत्री उद्धव ठाकरे यांना जिल्हाधिकारी चंद्रपूर यांच्या मार्फत दिलेल्या निवेदनात केला आहे. यावेळी मनसेतर्फे घेतलेल्या पत्रकार परिषदेत मनसेचे जिल्हा अध्यक्ष दिलीप रामेडवार मनविसे जिल्हा अध्यक्ष राहुल बालमवार, जिल्हा उपाध्यक्ष राजू कुकडे, मनसे महिला आघाडी जिल्हा अध्यक्षा सुनीता गायकवाड जिल्हा सचिव किशोर माडुरवार, वरोरा तालुका अध्यक्ष वैभव डहाने तालुका सचिव कल्पक दोरे, मनविसे जिल्हा उपाध्यक्ष मुज्जमील शेख व इतर मनसे पदाधिकारी व कार्यकर्ते उपस्थित होते.
0 comments:
Post a Comment