 |
| Set up a well-equipped study room for budding students Appeal of MLA Kishor Jorgewar |
धनोजे कुणबी समाज मध्यवर्ती समितीद्वारे पुरस्कृत धनोजे कुणबी समाज मंडळातर्फे दोनदिवसीय राज्यस्तरीय धनोजे कुणबी उपवर-वधू ऑनलाइन परिचय मेळावा आयोजित करण्यात आला आहे. शहरातील समाजाच्या सभागृहात रविवारी (ता. २६) समारोप झाला. यावेळी आमदार जोरगेवार बोलत होते. अध्यक्षस्‍थानी समाजाचे अध्यक्ष ॲड. पुरुषोत्तम सातपुते, तर प्रमुख पाहुणे म्हणून माजी आमदार सुदर्शन निमकर, जिल्‍हा बँकेचे माजी अध्यक्ष मनोहर पाऊणकर, मनपाचे विरोधी पक्षनेते डॉ. सुरेश महाकुलकर उपस्‍थित होते.
आमदार जोरगेवार पुढे म्हणाले, चंद्रपूर विधानसभा क्षेत्रात ११ अत्याधुनिक अभ्यासिका उभारण्याचा आपला मानस आहे. आजघडीला चार अभ्यासिकांचे बांधकाम सुरु झाले आहे. उर्वरित अभ्यासिका लवकरच पूर्ण करण्यात येणार आहेत. त्यातील एक धनोजे कुणबी समाजाच्या माध्यमातून उभारण्यात येणार आहे. या अभ्यासिकेसाठी एकूण ६० लाख रुपयांचा निधी देण्यात येणार आहे. यासोबतच समाजातील विद्यार्थ्यांसाठी वसतिगृह बांधण्यात यावे. यासाठीसुद्धा निधी उपलबध करून देणार आहे.
यावेळी मेळाव्‍याच्या आयोजनासाठी विशेष सहकार्य करणारे प्रा. विजय मुसळे, शुभम डाखरे व सूरज डाखरे यांचा मान्‍यवरांच्या हस्‍ते सत्‍कार करण्यात आला. संचालन प्रा. नामदेव मोरे यांनी, तर आभार विनायक धोटे यांनी मानले. या सत्रानंतर उपवरवधूंचा परिचय मेळावा पार पडला. यात मोठ्या संख्येने उपवर-वधू सहभागी झाले होते.
---------------
शेतकरी मेळाव्यासाठी पुढाकार घ्या
शेतकरी हा समाजातील महत्वपूर्ण घटक आहे. त्यामुळे हा घटक जगला, तर सर्व समाज जगेल. त्यामुळे शेतकरी मेळावे घ्यावे. यातून शेतकऱ्यांना विविध विषयांवर मार्गदर्शन करण्यात यावे. जेणेकरून शेतकरी आधुनिक पद्धतीने पीक घेईल. यासाठी ५ लाख रुपयांचा निधी देण्याची आपली तयारी आहे. जळगाव येथील इरिगेशनचे मी स्वतः पाहणी केली आहे. शेतकऱ्यांना तेथून शिकण्यासारखे बरेच काही आहे. त्यामुळे याचा अभ्यास करण्यासाठी जाणाऱ्या शेतकऱ्यांना स्वखर्चातून पाठविण्याची आपली तयारी असल्याचेही आमदार जोरगेवार म्हणाले.
0 comments:
Post a Comment