मुंबई :-मुंबईतील नरिमन पॉईंटवरील भाजप महाराष्ट्र प्रदेश कार्यालयात भारतीय जनता युवा मोर्चाचे (भाजयुमो) नवनियुक्त प्रदेशाध्यक्ष कृष्णराज महाडिक यांची भाजयुमोचे प्रदेश सचिव इम्रान खान यांनी भेट घेतली. या महत्त्वपूर्ण भेटीत संघटनात्मक विषयांवर सखोल चर्चा झाली असून, चंद्रपूर जिल्हा ग्रामीण भागातील भाजयुमोच्या कार्यपद्धतीवर विशेष भर देण्यात आला.
प्रसंगी भाजयुमो प्रदेशाध्यक्षपदी कृष्णराज महाडिक यांची अलीकडेच नियुक्ती झाली आहे.
कोल्हापूरचे युथ आयकॉन म्हणून ओळखल्या जाणाऱ्या महाडिक हे आंतरराष्ट्रीय रेसर असून, त्यांनी कोल्हापूर महानगरपालिका निवडणुकीत पक्षादेश पाळत उमेदवारी माघार घेतली होती. या निष्ठेचे फळ म्हणूनच त्यांना हे महत्त्वाचे पद मिळाले असल्याचे राजकीय वर्तुळात बोलले जात आहे.
मुंबईतील या भेटीमुळे महाराष्ट्र भाजयुमो
च्या कार्याला नवी गती मिळण्याची अपेक्षा आहे.
भेटीदरम्यान चंद्रपूर जिल्हा ग्रामीण भागातील भाजयुमोच्या कार्यपद्धती, कार्यकर्त्यांचे नियोजन आणि आगामी काळात राबविलेल्या विविध कार्यक्रमांवर सखोल चर्चा झाली.
जनसेवक इम्रान खान यांनी जनतेशी थेट संवाद साधत युवकांना संघटनेशी जोडण्याचे कार्य सातत्याने चालू ठेवले आहे. त्यांच्या या कार्यपद्धतीमुळे चंद्रपूर ग्रामीण भागात भाजयुमोची संघटनात्मक ताकद मोठ्या प्रमाणात वाढत आहे.
इम्रान खान हे भाजयुमोचे प्रदेश सचिव म्हणून सक्रिय असून, युवकांना संघटनेत संधी उपलब्ध करून देणे, त्यांना सक्रिय करणे आणि एकूण संघटना अधिक मजबूत करण्यासाठी ते सतत प्रयत्नशील आहेत. या भेटीत संघटना बळकट करण्यासाठी युवकांना मोठ्या प्रमाणात जोडण्यावर विशेष भर देण्यात आला. चंद्रपूरसारख्या ग्रामीण भागात युवा ऊर्जेचा वापर करून विविध सामाजिक आणि राजकीय कार्यक्रम राबवण्याचे नियोजन असल्याचे सांगितले जाते.
या भेटीत इम्रान खान यांनी प्रदेशाध्यक्ष कृष्णराज महाडिक यांना पुढील वाटचालीस शुभेच्छा दिल्या. तसेच, संघटना अधिक सक्षम करण्यासाठी पूर्ण क्षमतेने कार्य करण्याचा विश्वास व्यक्त केला. महाडिक यांनीही या भेटीला महत्त्व देत चंद्रपूर ग्रामीणच्या कार्यकर्त्यांच्या प्रयत्नांचे कौतुक केले.
याशिवाय महाडिक यांच्या नेतृत्वाखाली महाराष्ट्रातील भाजयुमो ला नवे आयाम मिळणार असल्याची अपेक्षा आहे. ते म्हणाले, "हे पद फक्त माझे नसून, महाराष्ट्रातील प्रत्येक युवकाचे आहे. युवा पिढीसाठी काम करणे हा माझा मुख्य ध्येय आहे."
इम्रान खान यांच्या ग्रामीण भागातील यशस्वी कार्यामुळे चंद्रपूर भाजयुमो उदाहरण ठरत असून, प्रदेश पातळीवरील हा संवाद भाजयुमोच्या कार्याला नवी दिशा देणारा ठरेल.
या भेटीमुळे भाजयुमो मध्ये युवकांचा सहभाग वाढवण्याची नवी रणनीती तयार होत आहे. चंद्रपूर ग्रामीणसारख्या भागांतून मिळणाऱ्या यशाचा अनुभव घेऊन संपूर्ण महाराष्ट्रात युवा मोर्च्याचे जाळे विस्तारण्याचा निर्धार आहे. प्रदेशाध्यक्ष रवींद्र चव्हाण यांच्या नेतृत्वाखालील या फेरबदलीमुळे पक्ष संघटना अधिक बळकट होत आहे.
एकूणच,कृष्णराज महाडिक व इम्रान खान यांच्या या भेटीने भाजयुमो च्या युवक विस्तार कार्याला चालना मिळाली असून, महाराष्ट्राच्या राजकारणात तरुणांच्या भूमिकेला नवे महत्त्व प्राप्त होणार आहे.
0 comments:
Post a Comment